വിശുദ്ധ കുർബാനയിൽ ധൂപത്തിന് രണ്ട് അർത്ഥങ്ങളാണുള്ളതെന്ന് ധൂപാശീർവാദപ്രാർത്ഥന വ്യക്തമാക്കുന്നു. ദൈവസംപ്രീതിയും ദൈവജനത്തിന്റെ പാപമോചനവുമാണ് ധൂപാർച്ചനയുടെ രണ്ട് പ്രധാനലക്ഷ്യങ്ങൾ. അവലംബം സിറോമലബാർ സഭയുടെ ആരാധനക്രമവിശ്വാസപരിശീലനം; സിറോമലബാർ സിനഡ് പ്രസിദ്ധീകരണം
പുരാതനപാരമ്പര്യമനുസരിച്ച് ആമുഖശുശ്രൂഷയിലെ പ്രധാന ഘടകമായിരുന്ന മദ്ബഹാഗീതം ഇന്ന് സാധാരണമായി റാസയിലാണ് ഉപയോഗിക്കുന്നത്. മദ്ബഹാഗീതത്തിന് രണ്ടു ഭാഗങ്ങളുണ്ട്. ആദ്യഭാഗത്ത് കാലത്തിന്റെയോ തിരുനാളിന്റെയോ ചൈതന്യം അനുസ്മരിക്കുന്നു. രണ്ടാം ഭാഗം പൊതുവേ സ്ലീവായെക്കുറിച്ചാണ്. മദ്ബഹാഗീതത്തിന്റെ സമയത്ത് ആരാധനാസമൂഹം സ്ലീവാ ചുംബിക്കുന്നു. സ്ലീവായുടെ രഹസ്യത്തിന്റെ ആഘോഷമാണ് കുർബാനയെന്ന സത്യം അനുസ്മരിക്കുന്ന അനുഷ്ഠാനമാണ് ആമുഖശുശ്രുഷയിലെ സ്ലീവാചുംബനം.
സാധാരണമായി മൂന്നു സങ്കീർത്തനങ്ങളുടെ ഒരു ഗണമാണ് മർമ്മീസ. മർമ്മീസ എന്ന പദം കൊണ്ട് സ്തുതികളുയർത്തുക എന്നാണർത്ഥമാക്കുന്നത്. കർത്താവിന് ഏറ്റവും പ്രിയങ്കരമായ പ്രാർത്ഥനയായിരുന്ന സങ്കീർത്തനങ്ങൾ സഭയ്ക്കും ഏറെ പ്രിയപ്പെട്ട പ്രാർത്ഥനയായിത്തീർന്നു. സങ്കീർത്തനങ്ങൾ ആലപിക്കുമ്പോൾ മിശിഹായ്ക്കുവേണ്ടിയുള്ള പഴയനിയമകാലകാത്തിരിപ്പിനെയാണ് സഭ അനുസ്മരിക്കുന്നതെന്ന് വ്യാഖ്യാനങ്ങളിൽ കാണുന്നു. ആരാധനാവത്സരത്തിലെ വിവിധ കാലങ്ങളുടെ ചൈതന്യത്തിനനുസൃതമായി വ്യത്യസ മർമ്മീസകളുണ്ട്. അവലംബം സിറോമലബാർ സഭയുടെ ആരാധനക്രമവിശ്വാസപരിശീലനം; സിറോമലബാർ സിനഡ് പ്രസിദ്ധീകരണം
‘നമുക്കു പ്രാർത്ഥിക്കാം, സമാധാനം നമ്മോടുകൂടെ’ എന്ന മ്ശംശാനയുടെ ഉദ്ഘോഷണം കുർബാനയിൽ പലപ്രാവശ്യമുണ്ട്. സമൂഹത്തെ പ്രാർത്ഥനകളിൽ ഉൾചേർക്കാൻ വേണ്ടിയാണ് മ്ശംശാന ഇങ്ങനെ ഉദ്ഘോഷിക്കുന്നത്. നമ്മുടെ സമാധാനം തന്നെയായ മിശിഹാ (എഫേ 2:14) നമ്മോടൊത്തുണ്ടായിരിക്കട്ടെ എന്നാണ് മ്ശംശാന ആശംസിക്കുന്നത്. മിശിഹായുമായുള്ള ഐക്യം വിശുദ്ധ കുർബാനയർപ്പണത്തിന്റെ സുപ്രധാന ലക്ഷ്യമാണ്. ഈ ലക്ഷ്യം സാധിതമാകാൻ തുടർന്നുവരുന്ന പുരോഹിതപ്രാർത്ഥന നമ്മെ സഹായിക്കട്ടെ എന്നാണ് ഈ ആശംസയുടെ വിവക്ഷ. സീറോമലബാർ കുർബാനയിൽ മ്ശംശാനയ്ക്ക് വലിയൊരു പങ്കുവഹിക്കാനുണ്ട്. സമൂഹത്തിനും കാർമ്മികനും ഇടയിൽനിന്നുകൊണ്ട് വിശുദ്ധ കുർബാനയർപ്പണത്തിന്റെ […]
സീറോമലബാർ കുർബാനയിൽ ‘സ്വർഗ്ഗസ്ഥനായ ഞങ്ങളുടെ പിതാവേ’ എന്ന പ്രാർത്ഥന മൂന്നുപ്രാവശ്യമുണ്ട്. ആരംഭത്തിലും അവസാനത്തിലും കുർബാന സ്വീകരണത്തിനുമുമ്പും, വിശുദ്ധ കുർബാനയുടെ ആരംഭത്തിലും അവസാനത്തിലുമുള്ള കർത്തൃപ്രാർത്ഥന പൗരസ്ത്യ സുറിയാനി പാരമ്പര്യത്തിന്റെ സവിശേഷയാണ്. ആരംഭത്തിലും അവസാനത്തിലും കർത്തൃപ്രാർത്ഥന ചൊല്ലുന്നത് താഴെവരുന്ന കാനോനയോടുകൂടിയാണ്. ‘അങ്ങു പരിശുദ്ധൻ പരിശുദ്ധൻ പരിശുദ്ധൻ, അങ്ങയുടെ മഹത്ത്വത്താൽ സ്വർഗ്ഗവും ഭൂമിയും നിറഞ്ഞിരിക്കുന്നു. ‘മാലാഖമാരും മനുഷ്യരും അങ്ങു പരിശുദ്ധൻ പരിശുദ്ധൻ പരിശുദ്ധൻ എന്ന് ഉദ്ഘോഷിക്കുന്നു’ ഈ കാനോനയിൽ പ്രഘോഷിക്കുന്ന ആശയം യഥാർത്ഥത്തിൽ കർത്തൃപ്രാർത്ഥനയിലെ പ്രഥമ അപേക്ഷയുടെ വിപുലീകരണമാണ്. ദൈവതിരുനാമം പൂജിതമാകണമേ […]
ഈശോയുടെ ജനനവേളയിൽ മാലാഖാമാർ പാടിയ അത്യുന്നതങ്ങളിൽ ദൈവത്തിനു സ്തുതി എന്ന കീർത്തനം കാർമ്മികൻ ആലപിക്കുമ്പോൾ ജനം ദൈവത്തെ പാടിസ്തുതിക്കുവാനുള്ള സമ്മതം പ്രകടിപ്പിച്ചുകൊണ്ട് ആമ്മേൻ’ എന്ന് പ്രത്യുത്തരിക്കുന്നു. കാർമ്മികൻ അത്യുന്നതങ്ങളിൽ ദൈവത്തിന് സ്തുതി’ എന്ന് മൂന്നു പ്രാവശ്യം ആവർത്തിക്കുന്നു. ആഴമേറിയ അനുഭവത്തിന് ഹേതുവാക്കുന്നതാണ് കുർബാനയിലെയും മറ്റ് ആരാധനാശുശ്രൂഷകളിലെയും ആവർത്തനങ്ങൾ. അഗാധമായ സ്നേഹത്തിന്റെയും വിശ്വാസത്തിന്റെയും പ്രകടനമാണ് ആവർത്തനം. കർത്താവിന്റെ മനുഷ്യവതാരരഹസ്യത്തിലേക്ക് നമ്മുടെ ശ്രദ്ധയെ ക്ഷണിക്കുന്നതാണ് അത്യുന്നതങ്ങളിൽ ദൈവത്തിനുസ്തുതി’ എന്ന കീർത്തനം. കർത്താവിന്റെ മനുഷ്യാവതാരവേളയിലും ഇന്ന് സ്വർഗീയാരാധനയിലും ദൈവത്തെ പാടിപ്പുകഴ്ത്തുന്ന […]
‘നിങ്ങളുടെ കല്പന’ എന്നർത്ഥം വരുന്ന പൂഖ്ദാൻകോൻ എന്ന് പുരോഹിതൻ ചൊല്ലുന്നതിന് ജനം പൂഖ്ദാനേ ദമ്ശിഹാ (മിശിഹായുടെ കല്പന) എന്ന് മറുപടി നല്കുന്ന രീതിയിലാണ് സീറോമലബാർസഭയിലെ സുറിയാനിഭാഷയിലുള്ള കുർബാനക്രമം ആരംഭിക്കുന്നത്. ഇതിന്റെ വ്യാഖ്യാനം ചെയ്യപ്പെട്ട രൂപമാണ് ഇന്ന് സീറോമലബാർ കുർബാനയിലുള്ളത്. ആരുടെ കല്പനയനുസരിച്ചാണ് ആരാധനാസമൂഹം കുർബാനയർപ്പിക്കുന്നത് എന്ന ചോദ്യത്തിന് മിശിഹായുടെ കല്പനയനുസരിച്ചാണെന്ന് ജനം മറുപടി പറയുന്നു. വിശുദ്ധ കുർബാനയാഘോഷത്തിന്റെ യഥാർത്ഥ അടിസ്ഥാനം കർത്താവ് അന്ത്യഅത്താഴവേളയിൽ നല്കിയ കല്പനതന്നെയാണെന്ന ഉറച്ച വിശ്വാസം ആരാധനാസമൂഹം ഒന്നടങ്കം അനുസ്മരിക്കുകയാണ്. അന്നാപെസഹാത്തിരുനാളിൽ’ എന്ന […]
വിശുദ്ധ കുർബാനയർപ്പിക്കുന്ന പുരോഹിതൻ ഈശോമിശിഹായെ പ്രതിനിധാനം ചെയ്യുന്നു. കർത്താവിന്റെ സ്ഥാനത്തുനിന്നാണ് പുരോഹിതൻ പ്രാർത്ഥനകൾക്കു നേതൃത്വം കൊടുക്കുന്നതും തിരുകർമ്മങ്ങൾ അനുഷ്ഠിക്കുന്നതും. പട്ടം സ്വീകരിച്ച് മിശിഹായുടെ ശുശ്രൂഷാപൗരോഹിത്യത്തിൽ സവിശേഷമായ രീതിയിൽ പങ്കുചേരുന്ന പുരോഹിതന്റെ ആരാധനാനുഷ്ഠാനങ്ങൾ മിശിഹായുടെ പ്രവൃത്തികളാകുന്നു. പുരോഹിതൻ ബലിയർപ്പിക്കുമ്പോൾ ഈശോതന്നെയാണ് ബലിയർപ്പിക്കുന്നത്. പുരോഹിതൻ മാമ്മോദീസ മുക്കുമ്പോൾ ഈശോതന്നെയാണ് മാമ്മോദീസ മുക്കുന്നത് (ആരാധനക്രമം 7). പുരോഹിതൻ പാപം മോചിക്കുമ്പോൾ യഥാർത്ഥത്തിൽ ഈശോതന്നെയാണ് പാപം മോചിക്കുന്നത്.
കാർമ്മികനും ശുശ്രൂഷികളും സങ്കീർത്തിയിൽനിന്ന് മദ്ബഹായിൽ പ്രവേശിച്ച് അവിടെ നിന്ന് ബേമ്മയിലേക്ക് പ്രദക്ഷിണമായിപോകുന്നു. ഈ പ്രദക്ഷിണത്തിന് പ്രതീകാത്മകമായ ഒരു അർത്ഥം ഉണ്ട്. സ്വർഗത്തിൽനിന്നും ഭൂമിയിലേക്കുള്ള കർത്താവിന്റെ ഇറങ്ങിവരവാണ് ഇവിടെ അനുസ്മരിക്കുന്നത്. കർത്താവ് പകർന്നുതരുന്ന രക്ഷയുടെ അനുഭവം സ്വായത്തമാക്കാനുള്ള മനോഭാവത്തോടെയാണ് ആരാധനാസമൂഹം മദ്ബഹായിൽ നിന്നുള്ള കാർമ്മികന്റെ പ്രദക്ഷിണത്തെ കാണേണ്ടത്.
കുർബാനയർപ്പണത്തിനുവേണ്ടി ഒരുങ്ങി കാർമ്മികൻ മദ്ബഹായിൽ നിന്നു ബേമ്മയിലെത്തുന്ന പ്രദക്ഷിണത്തെ കേന്ദ്രീകരിച്ചുള്ളതാണ് സീറോമലബാർ കുർബാനയുടെ ആമുഖശുശ്രൂഷ. ഈ പ്രദക്ഷിണം സാധ്യമാക്കാൻ വേണ്ടിയാണ് മദ്ബഹായുടെ വിരി തുറന്നിരുന്നത്. മെത്രാൻ പ്രദക്ഷിണമായി പ്രവേശിക്കുമ്പോൾ ആരാധനാസമൂഹം മദ്ബഹാഗീതം (ഓനീസാ ദ്കങ്കേ) ആലപിച്ചിരുന്നു. ബേമ്മയിലെത്തുന്ന മെത്രാന്റെ കൈയിൽ പിടിച്ചിരുന്ന സ്ലീവായെ വണങ്ങുന്ന പതിവും ഇതോടൊപ്പം ഉരുത്തിരിഞ്ഞു. മദ്ബഹാഗീതത്തോടു ചേർന്ന് ആലപിച്ചിരുന്ന പുരാതന പ്രദക്ഷിണഗാനമാണ് ‘ലാകുമാറാ’ എന്നറിയപ്പെടുന്ന ‘സകലത്തിന്റെയും നാഥാ’ എന്ന പ്രാർത്ഥന. ഇവയ്ക്കു പുറമേ ‘ പുഖദാൻകോൻ’, “അത്യുന്നതങ്ങളിൽ സ്തുതി’ എന്ന കീർത്തനം, […]
