പാസ്ക്കൽ വൈസ് എന്ന സ്പാനിഷ് യോദ്ധാവ് നിത്യേന ഒന്നോ അതിലധികമോ പരിശുദ്ധ കുർബാനയിൽ പങ്കെടുത്തിരുന്നു. അദ്ദേഹം രാജാവിൻ്റെ കീഴിൽ സേവനം ചെയ്യുമ്പോൾ, സ്പെയിനിന്റെ ഭൂരിഭാഗം പ്രദേശങ്ങളും കയ്യടക്കി കഴിഞ്ഞ മൂറുകൾ രാജാവിൻ്റെ കോട്ട ഉപരോധിച്ചു. എണ്ണത്തിൽ കൂടുതലുള്ള ശത്രു സൈന്യത്തെ നേരിടാൻ സ്വന്തം കാവൽ സൈന്യം അപരിയാപ്തമായിരുന്നിട്ടും, അവരുടെ ജീവൻ അപകടത്തിൽ അകപ്പെടുത്തിക്കൊണ്ടുതന്നെ ശത്രുക്കൾക്കെതിരെ കടന്നാക്രമിച്ച് അവരെ പ്രതിരോധിക്കാൻ രാജാവ് തീരുമാനിച്ചു. അടുത്ത പ്രഭാതത്തിൽ രാജാവ് തൻ്റെ സൈന്യത്തോടൊപ്പം പരിശുദ്ധ കുർബാനയിൽ പങ്ക് കൊള്ളുകയും, അതിനു ശേഷം ശത്രുക്കൾക്കെതിരെ അക്രമണം അഴിച്ചുവിടുകയും ചെയ്തു. എന്നാൽ പാസ്ക്കൽ വൈസ് ദേവാലയത്തിൽ തന്നെ ഒന്നിന് പുറകെ ഒന്നായി എട്ടു ദിവ്യബലികളിൽ പങ്കെടുക്കുകയും, യുദ്ധത്തിൽ രാജാവിന്റെ വിജയത്തിനായി തീക്ഷണമായി പ്രാർത്ഥിക്കുകയും ചെയ്തു. അദ്ദേഹം പ്രാർത്ഥിച്ചു കൊണ്ടിരിക്കുമ്പോൾ, യുദ്ധം ചെയ്തുകൊണ്ടിരുന്ന കൂട്ടുകാർ പാസ്ക്കൽ തന്റെ കുതിരപ്പുറത്ത് കയറി ശത്രു നിരയെ അരിഞ്ഞു വീഴ്ത്തിക്കൊണ്ട് മുന്നേറുന്നത് കണ്ടു. ഭയം കൂടാതെ തൻ്റെ പുറകെ വരാൻ മറ്റു പടയാളികളോട് ആഹ്വാനം ചെയ്തുകൊണ്ട്, അണികളിലേക്ക് കടന്ന് അവരുടെ കൊടി പിടിച്ചടയ്ക്കുകയും, അവർക്ക് വൻ നാശം വരുത്തുകയും ചെയ്തു. പോരാട്ടം ഏതാണ്ട് നാല് മണിക്കൂർ നീണ്ടുനിന്നു. വി ബലിയിൽ സംബന്ധിച്ചു കൊണ്ടിരുന്ന വൈസ് എട്ടാമത്തെ ദിവ്യ ബലി തീർന്നപ്പോഴേക്കും യുദ്ധവും അവസാനിച്ചു. മൂറുകൾ പരാജയപ്പെട്ടു പോയിരുന്നു. യുദ്ധവിജയത്തിന് കാരണക്കാരനായ പാസ്കലിന്റെ അസാധാരണമായ ധീരതയെ അംഗീകരിച്ചുകൊണ്ട് കീർത്തിമുദ്ര സമ്മാനിക്കാൻ രാജാവ് തീരുമാനിച്ചു. എന്നാൽ ദേവാലയത്തിൽ വിശുദ്ധ ബലിയർപ്പണത്തിൽ പങ്കെടുത്തു കൊണ്ടിരുന്ന പാസ്ക്കൽ താനൊരു ഭീരുവാണെന്നു കരുതി കൂട്ടുകാർക് കളിയാക്കുമെന്നും രാജാവ് തന്നെ സേവനത്തിൽ നിന്ന് പിരിച്ചുവിടുമെന്നും കരുതി അദ്ദേഹം പുറത്തോട്ട് വന്നതുമില്ല. ദേവാലത്തിൽ വച്ച് പാസ്കലിനെ കണ്ടെത്തിയ രാജാവ് അദ്ദേഹത്തിൻ്റെ ധീരതയെ അഭിനന്ദിച്ചു. ദൈവ പേരണയാൽ എല്ലാം തുറന്നു പറഞ്ഞ അദ്ദേഹം, താൻ മുഴുവൻ സമയം ദേവാലയത്തിൽ ആയിരുന്നുവെന്നും, എട്ടു കുർബാനങ്ങളിൽ പങ്കെടുത്തുവെന്നും, യുദ്ധത്തിൽ പങ്കെടുത്തിരുന്നില്ല എന്നും തുറന്നു പറഞ്ഞു.