എഡി 787 – ൽ മഹാനായ ഗ്രിഗറി മാർപാപ്പയുടെ ബലിയർപ്പണത്തിൽ തിരുവോസ്തി മാംസമായി മാറിയിരുന്നു. അദ്ദേഹം വിശുദ്ധ പത്രോസിന്റെ ബസിലിക്കയിൽ ദിവ്യബലി അർപ്പിക്കുന്ന സന്ദർഭത്തിൽ ദിവ്യകാരുണ്യ സ്വീകരണ സമയത്ത്; സ്വീകരിക്കാനായി നിരയായി നിന്നിരുന്നവരുടെ കൂട്ടത്തിൽ നിന്ന് ഒരു സ്ത്രീ ഉച്ചത്തിൽ ചിരിച്ചു. അക്കാലത്ത്, ദിവ്യബലിക്ക് ഉപയോഗിക്കുന്ന ഓസ്തി തയ്യാറാക്കിയിരുന്നത് ഇടവകയിൽ നിന്നുള്ള സ്ത്രീകളാണ്. അങ്ങനെ തയ്യാറാക്കിയിരുന്ന സ്ത്രീകളിൽ ഒരാളാണ് ഉച്ചത്തിൽ ചിരിച്ചത്. മാർപാപ്പ ആ സ്ത്രീയെ മാറ്റിനിർത്തി ചിരിച്ചതിന്റെ കാരണം തിരക്കി. സ്വയം ന്യായീകരിച്ചുകൊണ്ട് സ്ത്രീ പറഞ്ഞു, കഴിഞ്ഞദിവസം എൻ്റെ കൈകൊണ്ട് ഞാൻ ഉണ്ടാക്കിയ ഓസ്തി അങ്ങ് കൂദാശ വചനങ്ങൾ ഉച്ചരിച്ചപ്പോൾ ക്രിസ്തുവിന്റെ ശരീരമായി മാറിയെന്ന് ഞാൻ വിശ്വസിക്കുന്നില്ല. അദ്ദേഹം ക്രിസ്തു സത്യമായും വിശുദ്ധ ബലിയർപ്പണത്തിൽ എഴുന്നള്ളിയിരിക്കുന്നു എന്നുള്ള വിശ്വാസം ആ സ്ത്രീക്ക് നൽകണമെന്ന് പ്രാർത്ഥിച്ചു. പ്രാർത്ഥന കഴിഞ്ഞ ഉടനെ അദ്ദേഹത്തിൻ്റെ കയ്യിലിരുന്ന തിരുപാത്രത്തിലെ രണ്ട് തിരുവോസ്തികൾ മാംസം ധരിച്ചു. ഇത് കണ്ട് ആ സ്ത്രീ നിലവിളിച്ച് മുട്ടിന്മേൽ വീണ്, ഞാൻ വിശ്വസിക്കുന്നുവെന്ന് ഏറ്റുപറഞ്ഞു.