പഴയ നിയമത്തിലെ നീതിമാനായ മനുഷ്യനായിരുന്നു ജോസഫ്; ദൈവം എന്നും അവനോടൊപ്പം ഉണ്ടായിരുന്നു. എല്ലാ ദേശത്തും ക്ഷാമം ശക്തമായ സമയത്ത് ഈ ജോസഫിനെയാണ് എല്ലാവരും അപ്പത്തിനായി സമീപിച്ചത്. യാക്കോബും, യാക്കോബിന്റെ മക്കളും, ക്ഷാമ സമയത്ത് ശക്തി പ്രാപിച്ചതു  ജോസഫിന്റെ കളപ്പുരയിൽ നിന്ന് പങ്കു പറ്റിയാണ്.  ശരിക്കും പുതിയ നിയമത്തിലെ ജോസഫ് അപ്പം നൽകിയവനാണ്. അപ്പമായി തന്റെ പുത്രനെ നൽകി; ജനത്തിന്റെ  ദാഹവും വിശപ്പും ശമിപ്പിച്ചു നിത്യജീവൻ നൽകുന്ന അപ്പത്തെ ലോകത്തിനായി നൽകുകയാണ്.