പുരാതനപാരമ്പര്യമനുസരിച്ച് ആമുഖശുശ്രൂഷയിലെ പ്രധാന ഘടകമായിരുന്ന മദ്ബഹാഗീതം ഇന്ന് സാധാരണമായി റാസയിലാണ് ഉപയോഗിക്കുന്നത്. മദ്ബഹാഗീതത്തിന് രണ്ടു ഭാഗങ്ങളുണ്ട്. ആദ്യഭാഗത്ത് കാലത്തിന്റെയോ തിരുനാളിന്റെയോ ചൈതന്യം അനുസ്മരിക്കുന്നു. രണ്ടാം ഭാഗം പൊതുവേ സ്ലീവായെക്കുറിച്ചാണ്. മദ്ബഹാഗീതത്തിന്റെ സമയത്ത് ആരാധനാസമൂഹം സ്ലീവാ ചുംബിക്കുന്നു. സ്ലീവായുടെ രഹസ്യത്തിന്റെ ആഘോഷമാണ് കുർബാനയെന്ന സത്യം അനുസ്മരിക്കുന്ന അനുഷ്ഠാനമാണ് ആമുഖശുശ്രുഷയിലെ സ്ലീവാചുംബനം.