ബലി പരികർമ്മം ചെയ്യാൻ വൈദികൻ യോഗ്യനല്ല; തന്റെ അയോഗ്യത വ്യക്തമാക്കിക്കൊണ്ട് മൂന്ന് പ്രാവശ്യം കുമ്പിട്ട് പ്രാർത്ഥിച്ച് വൈദികൻ ആൾത്താരയിലേക്ക് പ്രവേശിച്ച് അതി വിശുദ്ധ സ്ഥലത്തു പ്രവേശിക്കാൻ അനുവദിച്ച ദൈവത്തിന് നന്ദി പറഞ്ഞുകൊണ്ടും, തന്റെ നിസ്സീമമായ സ്നേഹം അറിയിച്ചുകൊണ്ടും, വൈദികൻ അൾത്താരയുടെ മധ്യത്തിലും, വലത് വശത്തും, ഇടതു വശത്തും ചുംബിക്കുന്നു. പിതാവായ ദൈവത്തോടുള്ള തന്റെ നന്ദിയും സ്നേഹവും വ്യകതമാക്കികൊണ്ടു മധ്യത്തിലും, പുത്രനായ ദൈവത്തോടുള്ള സ്നേഹം അനുസ്മരിച്ചുകൊണ്ട് വലതുവശത്തും, പരിശുദ്ധാത്മാവായ ദൈവത്തോടുള്ള സ്നേഹം വ്യക്തമാക്കി കൊണ്ട് ഇടതുവശത്തും ചുംബിക്കുന്നു.