കേണൽ മൈക്ക് ഹോപ്കിൻസ്  അമേരിക്കയിലെ ദേശീയ ദിവ്യകാരുണ്യ കോൺഗ്രസിൽ പങ്കുവച്ച  ദിവ്യകാരുണ്യ അനുഭവം ശ്രദ്ധേയമായി. നാസയുടെ ഇരുപതാമത് ബഹിരാകാശ ദൗത്യത്തിൽ പങ്കാളിയായ ഹോപ്കിൻസ്, ബഹിരാകാശ യാത്രയിൽ അദ്ദേഹത്തിന്റെ ആസ്ട്രോനെറ്റ് സ്യൂട്ട്   സക്രാരിയാക്കി ബഹിരാകാശ യാത്ര നടത്തി. മൈക്കിന്റെ ഭാര്യ ജൂലിയുടെ കത്തോലിക്ക വിശ്വാസ ജീവിതമാണ് അദ്ദേഹത്തെയും കത്തോലിക്കാ സഭയിലേക്ക് ആകർഷിച്ചത്. 2012, ഡിസംബറിൽ കത്തോലിക്ക വിശ്വാസം സ്വീകരിച്ച് ഉത്തമവിശ്വാസിയായി ജീവിതം ആരംഭിച്ച മൈക്കിന് ജീവിതത്തിലെ ഏറ്റവും പ്രധാന യാത്രയിൽ കർത്താവിനെയും ഒഴിവാക്കാൻ സാധിച്ചില്ല. 330 ദിവസങ്ങൾ, 5300 തവണ ഭൂമിക്ക് വലം വെച്ച്, 250 മൈൽ വേഗതയിൽ സഞ്ചരിച്ചപ്പോഴും എന്റെ കൂടെയുള്ള കർത്താവ് എനിക്ക് ബലം തന്നുവെന്ന്  അദ്ദേഹം പറഞ്ഞു. അദ്ദേഹം ബഹിരാകാശത്ത് വലിയൊരു അപകടത്തെ അതിജീവിച്ചത് ദിവ്യകാരുണ്യ സംരക്ഷണയിലാണെന്നു തന്റെ പ്രസംഗത്തിൽ പങ്കുവച്ചു.