ഒക്‌ടോബർ 2-ന് ആരംഭിച്ച “ സഭ; കൂട്ടായ്മയും പങ്കാളിത്തവും ദൗത്യവും” എന്ന വിഷയത്തെ കേന്ദ്രീകരിച്ച് ആരംഭിച്ച ബിഷപ്പുമാരുടെ സിനഡിൻ്റെ 16-ാമത് ഓർഡിനറി ജനറൽ അസംബ്ലി ഒക്ടോബർ 27 ഞായറാഴ്ച സമാപിച്ചു. 300-ലധികം വൈദികരും ബിഷപ്പുമാരും 70 കർദ്ദിനാൾമാരും ഒമ്പത് പാത്രിയാർക്കീസും കേന്ദ്ര അൾത്താരയ്ക്ക് മുകളിൽ അടുത്തിടെ പുനഃസ്ഥാപിച്ച ബാൽഡാച്ചിനോയുടെ മേലാപ്പിന് കീഴിൽ സിനഡിൻ്റെ സമാപന കുർബാനയിൽ പങ്കെടുത്തു. കുർബാന അവസാനിച്ചപ്പോൾ, ഫ്രാൻസിസ് മാർപാപ്പ, വിശുദ്ധ പത്രോസിൻ്റെ കസേരയുടെ തിരുശേഷിപ്പ് വണക്കത്തിനു തുടക്കം കുറിച്ചു. മാർപ്പാപ്പയുടെ ആധികാരികതയെ സൂചിപ്പിക്കുന്നതാണ് പത്രോസിന്റെ സിംഹാസനം. ആ സിംഹാസനത്തിന്റെ ഒരു ഭാഗമാണ് ഈ തിരുശേഷിപ്പ്. ഡിസംബർ 8 വരെ സെൻ്റ് പീറ്റേഴ്‌സ് ബസിലിക്കയിൽ പൊതു വണക്കത്തിനായി ഇത് പ്രദർശിപ്പിക്കും.